Секіргіш бақа

Жобаның мақсаты:

• Балалардың шығармашылық қабілеттерін дамыту және оларды қағаз бен картонды қолдана отырып, қарапайым механизмдер құрастыруға үйрету.
• Қол моторикасын жетілдіру және кеңістіктік ойлау қабілеттерін дамыту.
• Қоршаған ортадағы бақалардың қозғалысы мен ерекшеліктері туралы білім беру.

Қалыптастырушы дағдылар:

• Қол моторикасы: Қайшы, желім, жабысқақ таспа және таяқшамен жұмыс істеу арқылы ұсақ моториканы дамыту.
• Танымдық қабілет: Балалар бақалардың қозғалысы, тіршілік ету ортасы және олардың маңызы туралы білім алады.
• Кеңістіктік ойлау: Қағаз тілшелерін бүктеу арқылы серпінді қозғалысты қамтамасыз ету.
• Зерттеу дағдылары: Балалар механизмді қолданып, бақаны қалай жылжытуға болатынын байқайды.

Жобаның құндылығы:

Бұл жоба балаларға табиғи тіршілік иелерін зерттеуге және оларды қағаздан бейнелеуге мүмкіндік береді. Қарапайым материалдарды пайдалана отырып, балалар механикалық қозғалысты қалай жасауға болатынын үйренеді. Сонымен қатар, бұл жоба экологиялық сана қалыптастырып, балалардың табиғатқа деген қызығушылығын арттырады.

Тәрбиешіге арналған нұсқаулық

• Балаларға бақаның қозғалысын түсіндіріп, олардың қалай секіретінін бірге талқылаңыз.
• Бұл жобаны балалар топпен, жұппен немесе жеке орындайды.
• Балалар жобаның мақсатын қамтитын тақырыптармен танысуы керек. 
• Балаларға арналған жұмыс алаңын дайындаңыз. 
• Тәжірибелік  бөлімді бастамас бұрын балаларға барлық қажетті материалдарды таныстырыңыз және беріңіз.

STEAM жобасындағы  қауіпсіздік техникасы
Ұйымдастырған іс әрекетті бастамас бұрын тәрбиленушіге қауіпсіздік техникасымен танысу ұсынылады. Қажет болған жағдайда (ҚТ-да көрсетілген заттарды пайдаланған жағдайда) балаларға қысқаша нұсқау жүргізу қажет.
Сілтемеге өтіңіз     Қауіпсіздік ережелері

Тәжірибелік бөлімі

1-қадам. Жасыл қағаздан 4 дана ұзын тілше қиып алыңыз. 

2-қадам.  Тілшелерді екі-екіден суреттегідей етіп бүктеңіз. Қағаздың ұштарын бір-біріне желімдеңіз. 

3-қадам. Ақ картонға бақаның суретін сілтеме бойынша өтіп, шығарып алыңыз. Бақаның аяқтарын бөлек, қалған денесін бөлек қиып алыңыз. шаблон

4-қадам. Бақа денесіне оралған жасыл қағаздардың ұштарын желімдеңіз. Ал екінші ұштарын картон төлкеге желімдеңіз. 

5-қадам. Бақа аяқтарын төлкеге желімдеңіз.

6-қадам. Ағаш таяқшаны төлкенің ішкі жағына кіргізіп, бақа денесінің артқы жағына жабыстырыңыз.

Дайын! Ағаш таяқшаны қозғау арқылы бақаны қозғалтып ойнай аласыз. 

Қорытынды

Бұл жоба балалардың шығармашылық және техникалық ойлау қабілеттерін дамытады. Олар тек қағаздан бейне жасау ғана емес, сонымен қатар оны қозғалтуды үйренеді. Қолдан жасалған секіргіш бақа балалардың ғылыми қызығушылығын арттырып, олардың табиғатқа деген сүйіспеншілігін оятады.