Сүйікті қозым

Сүйікті қозым

Жобаның мақсаты:

Балалардың ұсақ моторикасын дамыту және шығармашылық қабілеттерін арттыру. Қарапайым материалдарды пайдаланып қозы мүсінін жасау арқылы балаларды қол еңбегіне қызығушылығын арттыру.

Құндылықтар:

• Балалардың табиғатқа және үй жануарларына деген қызығушылығын қолдау.
• Қарапайым материалдарды пайдаланып, шығармашылық ойлау және қиялды дамыту.
• Материалдармен тәжірибе арқылы ұсақ моторика мен қолдың икемділігін арттыру.
• Жануарлар бейнесін жасау арқылы баланың байқағыштығын және көркемдік қабілеттерін дамыту.

Қалыптастырушы дағдылар:

• Ұсақ моторика: Мақта таяқшалары және жұмсақ ермексаз сияқты материалдармен жұмыс жасау саусақтардың икемділігін арттырады.
• Көз-қол үйлесімділігі: Қозының бөлшектерін біріктіру арқылы үйлесімділікті жақсартады.
• Байқампаздық: Әртүрлі пішіндер мен материалдардың ерекшелігін зерттеп, қолданылуын бақылауды үйренеді.

Тәрбиешіге арналған нұсқаулық:

• Балаларға жұмыс орнын дайындап, барлық қажетті материалдарды таратыңыз.
• Жобаның мақсаты мен нәтижесін түсіндіріңіз.
• Балаларға материалдарды қауіпсіз қолдану туралы қысқаша нұсқаулық беріңіз.
• Балалармен бірге қозы жасаудың әр қадамынан өтіңіз.

STEAM жобаларындағы қауіпсіздік техникасы:

• Жұмысқа кіріспес бұрын балаларды қауіпсіздік техникасымен таныстырыңыз. Қажет болған жағдайда (өткір заттар қолданылса) қысқаша нұсқаулық өткізіңіз. Сілтемеге өтіңіз

Тәжірибелік бөлім

1- қадам. Қозының денесі: Ақ түсті ермексаздан домалақ мүсін жасаңыз.

2-қадам.  Қозының жүнін жасау үшін сізге мақта ұштары қажет болады. Ол үшін мақта таяқшаларының ұштарын қайшымен қиып алыңыз.

3-қадам. Енді осы ұштарды ермексазды айнала орналастырыңыз. Қозының басына ашық орын қалдырыңыз.

4-қадам. Қозының аяқтарын жасап, денесіне қосыңыз.

5-қадам. Қозының басы: Қара ермексаздан бас пішінін және құлақтарын мүсіндеп, оларды денесімен біріктіріңіз.

6-қадам. Қозының басына дайын көздерді жабыстырыңыз.

7-қадам. Қалған мақта ұштарын төбесіне орналастырыңыз.

Дайын! 

Қорытынды

Бұл жоба қарапайым және қолжетімді материалдарды қолдана отырып, балалардың шығармашылық қабілетін арттырады. Балалар өздерінің сүйікті қозысын жасап, оны ерекше мақтанышпен көрсете алады.