Бөлме гүлі

Жобаның мақсаты:

• Балаларға қарапайым материалдардан әдемі және сәндік бөлме өсімдігін жасауды үйрету.
• Шығармашылық қабілеттерін оятып, табиғаттың әсемдігін өз қолдарымен бейнелеуге ынталандыру.
• Экологиялық сананы қалыптастырып, жасыл желектің адам өміріндегі рөлін түсіндіру.

Қалыптастырушы дағдылар:

• Шығармашылық: Түрлі түсті қағаздардан гүлдер мен өсімдіктерді сәндеп жасау.
• Қол моторикасы: Қайшы, сызғыш, жабысқақ таспа және желіммен жұмыс арқылы қолдың ұсақ бұлшықеттерін дамыту.
• Эстетикалық талғам: Материалдарды үйлестіре отырып, өсімдіктің көркемдігін арттыру.
• Экологиялық сана: Жасыл желектің табиғаттағы маңызын түсіну және бөлме өсімдіктерін күтіп-баптаудың пайдасы туралы білім алу.

Жобаның құндылығы:

Бұл жоба балаларға табиғатқа деген сүйіспеншілікті арттыруға және жасыл желектің маңызын түсінуге көмектеседі. Шығармашылық процесс арқылы балалар өз қолдарымен әсем сәндік өсімдік жасап, бөлме интерьеріне ерекше сән қосады. Бұл жоба балалардың шыдамдылығын, қиялын және еңбекке деген қызығушылығын дамытады. 

Тәрбиешіге арналған нұсқаулық

• Балаларға табиғаттағы өсімдіктер мен олардың адам өміріндегі рөлі туралы қысқаша мәлімет беріңіз.
• Бұл жобаны балалар топпен, жұппен немесе жеке орындайды.
• Балалар жобаның мақсатын қамтитын тақырыптармен танысуы керек. 
• Балаларға арналған жұмыс алаңын дайындаңыз. 
• Тәжірибелік  бөлімді бастамас бұрын балаларға барлық қажетті материалдарды таныстырыңыз және беріңіз.

STEAM жобасындағы  қауіпсіздік техникасы
Ұйымдастырған іс әрекетті бастамас бұрын тәрбиленушіге қауіпсіздік техникасымен танысу ұсынылады. Қажет болған жағдайда (ҚТ-да көрсетілген заттарды пайдаланған жағдайда) балаларға қысқаша нұсқау жүргізу қажет.
Сілтемеге өтіңіз     Қауіпсіздік ережелері

Тәжірибелік бөлімі

1-қадам. Жасыл түсті қағазды ортасынан бүктеп, арасы 1 см болатын сызықтар сызып шығыңыз. Қайшымен сызықтарды қиыңыз.

2-қадам. Екіжақты жабысқақ таспамен жасыл қағаздың ұштарын жабыстырыңыз. 

3-қадам. Қағазды ұзына бойы орап шығыңыз. Бұл бөлме өсімдігінің негізгі жасыл бөлігі.              

4-қадам. Өсімдікті стаканға салыңыз.

5-қадам. Көк, қызыл, қызыл сары қағаздардан 4*4 см өлшемде 3 төртбұрыштан қиыңыз.

6-қадам. Қағаздарды суреттегідей бүктеңіз.

7-қадам. Қағаздарды жартылай шеңбер қиып, қайтадан ашыңыз. Гүл дайын. 

8-қадам. Сары түсті қағаздан шеңберлер қиыңыз.

9-қадам. Гүлдерді жасыл қағазға желімдеңіз. Сары шеңберлерді гүлдің ортасына желімдеңіз.

Дайын! Бөлменің сәнін келтіріп тұратын бөлме гүлі дайын.

Қорытынды

Бұл жоба балаларды табиғаттың сұлулығын бағалауға және оны шығармашылық арқылы бейнелеуге үйретеді. Бөлме өсімдігін жасау процесі балалардың ұқыптылығы мен шыдамдылығын арттырып, қиялы мен эстетикалық талғамын дамытады. Жобаның нәтижесінде дайын сәндік өсімдік олардың өз еңбегіне деген мақтаныш сезімін күшейтіп, бөлмеге ерекше көрік береді. Жұмыс барысында балалар табиғаттың маңыздылығын тереңірек түсінеді.