Серпімді жолбарыс

Жобаның мақсаты:
Балаларды қарапайым механизмдер мен серпімді материалдардың көмегімен қозғалыс қалай жасалатынын таныстыру, секіргіш жолбарыс моделін жасау арқылы ұсақ қол моторикасын, қиялды және креативті ойлауды дамыту.

Құндылықтар:

Қарапайым механизмдердің жұмыс принциптерін түсіну мен қызығушылықты дамыту.
Ерекше ойыншық жасау арқылы шығармашылық пен қиялды ынталандыру.
Әртүрлі текстуралар мен пішіндермен жұмыс істеу дағдыларын дамыту.
Серпімділік күшінің және қозғалыстың ғылыми түсінігін қалыптастыру.

Қалыптастырушы дағдылар:

Ғылыми түсінік: Балалар серпімді материалдардың (мысалы, резеңкенің) қозғалыс пен күш жасауын бақылап, негізгі физикалық принциптерді түсіне бастайды.
Ұсақ моторика: Жолбарыс элементтерін қиып, жабыстыру қол қозғалыстарын үйлестіруге көмектеседі.
Креативті ойлау: Балалар жолбарысты жасап, оны әрлендіре отырып қиялын дамытады.
Ынтымақтастық дағдылары: Балалар жұпта немесе топта жұмыс істей алады, бір-біріне модель жасауға көмек көрсетеді.

Тәрбиешіге арналған нұсқаулық:

Жобаны бастамас бұрын балаларға мысықтар тұқымдасының күшті әрі икемді жануары — жолбарыс туралы айтып беріңіз. Жолбарыстың таңғажайып грациясы мен күшін атап өтіңіз.
Материалдарды алдын ала дайындаңыз.
Жұмыс кезінде балаларға сұрақтар қойыңыз, мысалы: «Неліктен жолбарыс секіреді?» немесе «Резеңкені қатты созса, не болады?»
Балаларға серпімділік күшінің және қозғалыстың тепе-теңдігі маңызды екенін түсіндіріңіздер.

STEAM жобаларындағы қауіпсіздік техникасы:

Жұмысқа кіріспес бұрын балаларды қауіпсіздік техникасымен таныстырыңыз. Қажет болған жағдайда (өткір заттар қолданылса) қысқаша нұсқаулық өткізіңіз. Сілтемеге өтіңіз

Қауіпсіздік ережелері

Тәжірибелік бөлім

Жобаны жасау бойынша қадамдық нұсқаулық:
1-қадам. Сары картоннан екі дөңгелек негізді қиыңыз.

2-қадам. Ақ қағаздан екі сопақ шеңбер қиып, оларды сары дөңгелектерге жапсырыңыз: бірін көлденең, екіншісін тігінен.

3-қадам. Қара қағаздан 6 үлкен, 9 кішкентай үшбұрыш қиып, жолбарыстың денесіне тән сызықтарын бейнелеп жапсырыңыз.

4-қадам. Жолбарыстың құлақтарын, көздерін жапсырыңыз. Ауызын бейнелеңіз.

5-қадам. Бас бөлігі мен дене бөлігін біріктіріңіз.

6-қадам. Қағаз стақанның төменгі жағына шамамен 2,5 см ұзындықта кесінділер (екі жағына екеуден) жасаңыз.

7-қадам. Резеңкені алыңыз да, бір ұшын стақанның бір жағынан кесілген жерге кигізіңіз. Резеңкені бұрып, екінші ұшын стақанның екінші жағынан салыңыз.

8-қадам. Қағаз стақан мен жолбарысты терможелім арқылы біріктіріңіз (тәрбиешінің көмегі қажет).

Дайын! Енді жолбарысы бар стақанды екінші стақанға қойып, оны ақырын басыңыз. Қолыңызды тартып, жолбарыстың секіргенін бақылаңыз! Балалармен бірге түрлі әдістерді қолданып, жолбарысты биікке секіртуді байқап көріңіздер.

Қорытынды

Бұл жоба балаларға физика негіздерін үйретумен қатар, ойыншық жасау арқылы шығармашылық қабілеттерін дамытады. Балалар күш пен қозғалыстың өзара әрекетін жақсырақ түсініп, өз қолымен ойыншық жасау қуанышын сезінеді.

Course оралу