Жарық пен көлеңке

Жобаның мақсаты:

• Балалардың шығармашылық қабілеттерін дамыту, қарапайым материалдарды қолданып жарық пен көлеңке арқылы бейнелер жасауды үйрету.
• Физика негіздерін (жарықтың таралуы және көлеңке түсіру) тәжірибе арқылы түсіндіру.
• Балаларға қарапайым құралдар арқылы қолөнердің ерекше мүмкіндіктерін көрсету.

Қалыптастырушы дағдылар:

• Шығармашылық: Мысықтың бейнесін салып, оны проекция ретінде бейнелеу.
• Қол моторикасы: Маркер, жабысқақ таспа қолдану арқылы қол икемділігін дамыту.
• Техникалық ойлау: Проектордың құрылымын дұрыс құрастыру және жарықтың таралуын бақылау.
• Ғылыми түсінік: Жарық пен көлеңкенің физикалық қасиеттерін тәжірибе арқылы түсіну.

Жобаның құндылығы:

Бұл жоба балаларға жарық пен көлеңке туралы білім алуға мүмкіндік береді. Олар проекция жасау арқылы шығармашылық ойлауын дамытып, тәжірибелік білімді қолдануға үйренеді. Сондай-ақ, бұл жұмыс балалардың шыдамдылығы мен назарын шоғырландыру қабілеттерін арттырады. Жұмыс нәтижесі балаларды қуантады және олардың өз еңбектеріне деген мақтаныш сезімін арттырады.

Тәрбиешіге арналған нұсқаулық

• Балаларға жарық пен көлеңкенің қалай пайда болатынын қарапайым мысалдармен түсіндіріңіз.
• Бұл жобаны балалар топпен, жұппен немесе жеке орындайды.
• Балалар жобаның мақсатын қамтитын тақырыптармен танысуы керек. 
• Балаларға арналған жұмыс алаңын дайындаңыз. 
• Тәжірибелік  бөлімді бастамас бұрын балаларға барлық қажетті материалдарды таныстырыңыз және беріңіз.

STEAM жобасындағы  қауіпсіздік техникасы
Ұйымдастырған іс әрекетті бастамас бұрын тәрбиленушіге қауіпсіздік техникасымен танысу ұсынылады. Қажет болған жағдайда (ҚТ-да көрсетілген заттарды пайдаланған жағдайда) балаларға қысқаша нұсқау жүргізу қажет. Кеңселік пышақты және ыстық желімді тәрбиеші өзі қолдануы керек.
Сілтемеге өтіңіз     Қауіпсіздік ережелері

Тәжірибелік бөлімі

1-қадам. Мысықтың суретін сілтеме арқылы өтіп шығарып алыңыз. Сілтеме

2-қадам. Пластик мөлдір қақпаққа берілген суретті маркермен салыңыз.

3-қадам. Гофра картонды 23*18 см және 3*18 см етіп екіге бөліңіз. 

4-қадам. Үлкен картонның ортасынан кеңселік пышақпен 17*11 см төртбұрыш қиып алып тастаңыз. 

5-қадам. Пластик қақпақты картонға мысықтың суреті ортасында көрініп тұратындай етіп екіжақты жабысқақ таспамен желімдеңіз. 

6-қадам. 3*18 см картонды үлкен картонның төменгі жағына тіреуіш ретінде ыстық желіммен желімдеңіз.

Проектор дайын! Мысықтың суретіне алыстан жарық түсіру арқылы үйдің қабырғасында мысықтың суретін көресіз. 

Қорытынды

Бұл жоба балаларға шығармашылық және техникалық дағдыларын дамытуға мүмкіндік береді. Жарық арқылы проекция жасау – олардың қиялын кеңейтіп, жаңа идеяларды жүзеге асыруға ынталандырады. Балалар өз қолынан шыққан нәтижені көріп, өз еңбегінің маңыздылығын сезінеді және физика заңдарын тәжірибелік тұрғыда түсінуге мүмкіндік алады.