Түстердің қосындысы

Жобаның мақсаты: Бұл жоба арқылы балаларға түстерді араластырудың  және олардың өзара әрекеттесуінің принциптерін үйрету мақсатында эксперимент жүргізу ұсынылады. Жоба барысында балалар түстердің өзгеруін, олардың бірігуін бақылап, табиғи құбылыстарды түсінуге тырысады. Сонымен қатар, жоба балаларға түстерді дұрыс пайдалану мен эксперимент жасау дағдыларын меңгеруге көмектеседі.

Құндылық:Бұл жоба балаларға негізгі түстерді таныстыруға және олардың араласу нәтижесінде жаңа түстер пайда болатынын көрсетуге мүмкіндік береді. Балалар екі түстің бірігуі арқылы жаңа түстердің пайда болуын көріп, түс теориясын бірінші рет тәжірибе арқылы түсінеді.Түстердің араласуын бақылау арқылы балалардың шығармашылық ойлау қабілеттері дамиды. Олар эксперимент жасап, оның нәтижесіне қарай ой жүгіртіп, болжамдар жасайды. Стакандар мен түтікшелерді пайдалану балалардың моторикасын жақсартады. Оларды дұрыс орналастырып, бояуды ұқыпты құю балалардың ептілігін арттырады.

Тәрбиешіге арналған нұсқаулық

• Бұл жобаны балалар топпен, жұппен немесе жеке орындайды.
• Балалар жобаның мақсатын қамтитын тақырыптармен танысуы керек.
• Балаларға арналған жұмыс алаңын дайындаңыз.
• Тәжірибелік  бөлімді бастамас бұрын балаларға барлық қажетті материалдарды таныстырыңыз және беріңіз.

STEAM жобасындағы  қауіпсіздік техникасы
Ұйымдастырған іс әрекетті бастамас бұрын тәрбиленушіге қауіпсіздік техникасымен танысу ұсынылады. Қажет болған жағдайда (ҚТ-да көрсетілген заттарды пайдаланған жағдайда) балаларға қысқаша нұсқау жүргізу қажет.
Сілтемеге өтіңіз     

Теориялық бөлім

 Түстердің араласуы – бұл ғылымдағы маңызды құбылыс. Қарапайым түстердің бірігуі арқылы жаңа түстер пайда болады. Бұл жоба барысында балаларға негізгі түстердің араласу принциптері түсіндіріледі. Қызыл, көк және сары түстердің араласуы жаңа түстердің пайда болуына алып келеді:

Сары және көк түстердің араласуы: Бұл комбинация жасыл түсінің пайда болуына әкеледі.

Қызыл және көк түстердің араласуы: Бұл комбинациядан күлгін түс шығады.

Бұл түс теориясын балалар оңай түсінетін түрде көре алады, өйткені олар түстердің араласу нәтижесін бірден көреді.

Стакан мен түтікше сияқты қарапайым құралдарды пайдалану арқылы балалар экспериментті іске асырады. Осылайша, балалар практикада құралдарды қолдану дағдыларын меңгереді.

Тәжірибелік бөлім

 Жобаның жасалу жолы

1-қадам: Мөлдір стаканның екі бүйірін тескіш құралмен тесіп алыңыз. Стаканның  екі бүйіріндегі тесікке  екі түтікшені өткізіңіз.

2-қадам: Әрі қарай үш дана мөлдір стаканды суретте көрсетілгендей етіп қойыңыз. Екі шетінде тұрған стакан жоғары қарап тұру керек ал ортасында  тұрған стакан төмен қарап тұруы керек. Ортада тұрған стаканның үстінде екй жағында түтікшесі бар стаканды қойыңыз

3-қадам:  Бізге әрі қарай тамаққа қосатын сұйық бояғыш қажет болады.  Үстінде тұрған стаканға көк түсті, ал оң жақтағы стаканға қызыл, сол жақтағы стакнға сары түсті құйыңыз.

4-қадам: Ортада тұрған стакандағы көк түсті бояуға су құйыңыз. Су көтеріліп түтікшеден өтіп астыңғы стакандағы түстермен араласады.

5-қадам: Сары және көк түстердің араласқанда жасыл түс, ал қызыл және көк түстердің араласқанда күлгін түс пайда болды

Қорытынды

Бұл жоба балаларға түстердің араласуы мен олардың өзгеруін бақылаудың қызықты және көрнекі әдісін ұсынады. Жоба барысында балалар түстердің негізгі принциптерін үйреніп, түс пен эксперимент жүргізу арқылы жаңа білім алады. Олар ғылыми әдіс арқылы түстердің араласуын бақылап, нәтижелерін талдайды, бұл олардың зерттеу дағдыларын дамытады. Сонымен қатар, бұл жоба балалардың шығармашылық қабілеттерін де арттырып, практикалық дағдыларды қалыптастырады. Түстердің өзгеруі мен араласуы балаларға физикалық және көрнекі тәжірибе бере отырып, олардың қызығушылығын оятады.