Тісіңе не ұнайды?

Жобаның мақсаты: Балаларға шығармашылық және интерактивті әрекеттер арқылы пайдалы және зиянды тағамдарды ажырата білуге үйрету. Жоба балаларда дұрыс тамақтану және ауыз қуысының гигиенасы негіздерін қалыптастыруға бағытталған.

Қалыптастырушы дағдылар: Жобаға қатысу балаларға жіктеу дағдыларын, байқағыштықты дамытуға көмектеседі.

Құндылық: 

• Шығармашылық даму: жоба қағазбен, бояулармен және басқа материалдармен жұмыс істеу кезінде шығармашылықты, ұсақ моториканы және дәлдікті дамытады.
• Денсаулық сақтау функциясы: ойын және көрнекі мысалдар арқылы балалар тамақтанудың тістердің күйіне қалай әсер ететінін есте сақтайды, бұл оларға өмірде саналы таңдау жасауға көмектеседі.

Тәрбиешіге арналған нұсқаулық

• Бұл жобаны балалар топпен, жұппен немесе жеке орындайды.
• Балалар жобаның мақсатын қамтитын тақырыптармен танысуы керек. 
• Балаларға өнімдерді бояу үшін түстерді таңдауға немесе тіс дизайнының қосымша элементтерін ойлап табуға мүмкіндік беріңіз.
• Балаларға арналған жұмыс алаңын дайындаңыз. 
• Тәжірибелік  бөлімді бастамас бұрын балаларға барлық қажетті материалдарды таныстырыңыз және беріңіз.
• Жобаны орындау барысында балаларға сұрақтар қойыңыз, мысалы: «Сен қандай тағамдарды жегенді ұнатасың?», «Бұл өнім тістерге пайдалы деп ойлайсың ба?». Бұл теория мен практика арасындағы байланысты нығайтады.

STEAM жобасындағы  қауіпсіздік техникасы
Ұйымдастырған іс әрекетті бастамас бұрын тәрбиленушіге қауіпсіздік техникасымен танысу ұсынылады. Қажет болған жағдайда (ҚТ-да көрсетілген заттарды пайдаланған жағдайда) балаларға қысқаша нұсқау жүргізу қажет.
Сілтемеге өтіңіз     

Теориялық бөлім 

“Тісіңе не ұнайды?” жобасы балаларды дұрыс тамақтану және тіс күтімі негіздеріне үйретуге бағытталған. Бұл процесте балалар қандай тағамдардың тістерге пайдалы екенін және қайсысы оларға зиян тигізетінін ойын түрінде біледі. Жоба көрнекі материалдар мен қол жетімді әдістерді қолдану арқылы шығармашылық қабілеттерін дамытуға және дұрыс әдеттерді қалыптастыруға ықпал етеді.

Тәжірибелік бөлімі

1-қадам: Берілген суреттерді сілтеме арқылы өтіп, қағазқа шығарып алыңыз. Тіс және тағамдар. 

2-қадам: Тістің суреті шығарылған қағазды және таза ақ парақтарды қораптың өлшеміне сай етіп қиыңыз.

3-қадам: Қорапты қиылған қағаздармен орап, екіжақты жабысқақ таспамен жабыстырыңыз.

4-қадам: Екі тістең біреуін көңілді, ал екіншісін көңілсіз етіп түрлі түсті маркермен сурет салыңыз.

5-қадам: Тағамдардың суреттерін әрқайсысын жеке жеке қиып алыңыз.

6-қадам: Тағамдардың суреттерін түрлі түсті маркермен бояңыз. 

7-қадам: Тағамдардың суреттерін таяқшаларға жабысқақ таспаның көмегімен жабыстырыңыз. 

8-қадам: Қорапқа тістердің суретінің жоғарғы жағына қайшымен таяқшалар сиятындай ойықтар жасаңыз. Тағамдардың суреттерін тістер бейнеленген қораптағы ойықтарға кіргізіп шығыңыз. Тіске пайдалысын көңілді тіске, ал зиян келтеретін тағамдарды көңілсіз тіске орналастырыңыз. 

Дайын!

Қорытынды

Түймедақ алқабы жобасы балалар үшін қызықты және пайдалы тәжірибе болып табылады. Ол шығармашылық, қол моторикасы және командалық жұмыс дағдыларын дамытуға бағытталған. Жобаны жүзеге асыру арқылы балалар тек көңіл көтеріп қана қоймай, жаңа дағдыларды меңгереді. Нәтижесінде, бұл жоба балалардың дамуына оң әсер етеді және оларды болашақта шығармашылық жетістіктерге жетуге ынталандырады.