Киізден қалташа

Жобаның мақсаты:

• Балалардың шығармашылық қабілеттерін дамыту, оларды түрлі материалдармен жұмыс істеуге үйрету.
• Ұсақ моторикасын, эстетикалық талғамын және қолөнер дағдыларын жетілдіру.
• Балаларға қолдан жасалған бұйымдардың құндылығын түсіндіру және өз қолымен пайдалы зат жасауға үйрету.

Қалыптастырушы дағдылар:

• Шығармашылық: Балалар өз сөмкелерін сәндеп, ерекше дизайн жасау арқылы шығармашылық қабілеттерін дамытады.
• Қол моторикасы: Қайшы, біз және жіппен жұмыс жасау арқылы саусақ бұлшықеттерін дамыту.
• Техникалық ойлау: Сөмкені жинақтап, бауды өткізу арқылы құрылымдық ойлауды жетілдіру.
• Эстетикалық талғам: Түрлі түсті материалдарды үйлестіріп, көркемдік композиция жасау.
• Еңбекке баулу: Өз қолымен пайдалы бұйым жасаудың маңыздылығын түсіну және оған ұқыптылықпен қарау.

Жобаның құндылығы:

Бұл жоба балаларға шығармашылық қабілеттерін дамытуға, өз қолдарымен пайдалы және әдемі сөмке жасауға мүмкіндік береді. Балалар материалдарды дұрыс пайдаланып, өз қиялдарын жүзеге асырады. Сонымен қатар, қолдан жасалған сөмке олардың күнделікті өмірде өз еңбектерінің жемісін көруге мүмкіндік береді.

Тәрбиешіге арналған нұсқаулық

• Балаларға сөмкенің қандай мақсатта қолданылатынын түсіндіріп, оның жасалу жолын көрсетіңіз.
• Бұл жобаны балалар топпен, жұппен немесе жеке орындайды.
• Балалар жобаның мақсатын қамтитын тақырыптармен танысуы керек. 
• Балаларға арналған жұмыс алаңын дайындаңыз. 
• Тәжірибелік  бөлімді бастамас бұрын балаларға барлық қажетті материалдарды таныстырыңыз және беріңіз.

STEAM жобасындағы  қауіпсіздік техникасы
Ұйымдастырған іс әрекетті бастамас бұрын тәрбиленушіге қауіпсіздік техникасымен танысу ұсынылады. Қажет болған жағдайда (ҚТ-да көрсетілген заттарды пайдаланған жағдайда) балаларға қысқаша нұсқау жүргізу қажет.
Сілтемеге өтіңіз     Қауіпсіздік ережелері

Тәжірибелік бөлімі

1-қадам. Фетрді ортасынан бүктеп, сөмке пішінін салыңыз. Оны қиып алыңыз.

2-қадам. Фоамаринге күнді салып, қиып алыңыз.

3-қадам. Сөмкенің шеттерін екіжақты жабысқақ таспамен жабыстырыңыз.

4-қадам. Күнді екіжақты жабысқақ таспамен сөмкеге жабыстырыңыз.

5-қадам. Тоқыма жіптен орташа ұзындықта үш бөлік қиып алыңыз. Оларды өріңіз. 

6-қадам. Сөмкенің екі шетін бауды бекіту үшін бізбен тесіңіз. Бауды тесіктен өткізіп, түйіндеңіз. 

Дайын! Енді сіз өзіңіздің қолдан жасалған сөмкеңізді ойынға, сүйікті заттарыңызды сақтауға пайдалана аласыз!

Қорытынды

Бұл жоба балаларды шығармашылыққа баулиды және олардың қолөнерге деген қызығушылығын арттырады. Өз қолымен жасалған сөмке оларға мақтаныш сезімін сыйлап, ұқыптылық пен еңбекқорлықты дамытады. Балалар жаңа дағдыларды игеріп қана қоймай, қолдан жасалған заттардың құндылығын түсінеді. Бұл олардың өз еңбектерін бағалауға және жаңа шығармашылық идеяларға шабыттануға көмектеседі.