Мұз айдыны

Мұз айдыны

Жобаның мақсаты:
Балаларды материалдармен жұмыс істеуге үйрету, «мұз айдынын» жасап, оған пингвиндерді орналастыруға дағдыландыру.

Құндылықтар:
Бұл жоба балаларға мұздың қасиеттерін зерттеуге және қысқы ойындармен танысуға мүмкіндік береді. Жоба тәжірибелерге қызығушылықты арттырып, қолда бар материалдарды пайдаланып шығармашылық және топтық ойынға бейімдейді.

Қалыптастырушы дағдылар:

• Ұсақ моторика: Балалар пингвиндердің фигураларын мұздан жасалған негіздерге орналастырады.
• Сенсорлық қабылдау: Мұздың текстурасы мен температурасын зерттейді.
• Қиял: Қысқы ойындарды елестетіп, пингвиндерге арналған ойын сюжеттерін ойлап табады.
• Әлеуметтік дағдылар: Балалар топта ойнауды, пингвиндердің «айдын үстінде сырғанауы» туралы сөйлесуді үйренеді.

Тәрбиешіге арналған нұсқаулық:

• Жобаны «Мұз айдыны деген не? Мұз үстінде кімдер сырғанайды?» деген сұрақтардан бастаңыз.
• Барлық материалдарды алдын ала дайындап қойыңыз, сонда балалар бірден ойынды бастай алады.
• Балаларға мұздың жылу әсерінен еритінін қарапайым сөздермен түсіндіріп, бұл процесті бақылауды ұсыныңыз.
• Балалар мұзды ауызға салмайтынын және ұзақ уақыт ұстамайтынын қадағалаңыз.

STEAM жобаларындағы  қауіпсіздік техникасы
Жұмысты бастамас бұрын балаларды қауіпсіздік техникасымен таныстыру қажет. Қажет болған жағдайда (өткір құралдар пайдаланылса), қысқаша нұсқаулық өткізіңіз. Сілтемеге өтіңіз   

Тәжірибелік бөлім

Қадамдық нұсқаулық:

1-қадам: Мұзды дайындау: Ыдысқа аздап су құйып, қалауыңызша «көк мұз» жасау үшін тағамдық бояғышты қосыңыз.

2-қадам: Боялған суды мұз формаларына құйып, мұздатқышқа қойыңыз.

3-қадам: Балмұздақ таяқшаларын немесе шпажкалардың екіге бөліңіз.

4-қадам: Мұз жартылай қатқаннан кейін форманы мұздатқыштан алып, әр бөлікке ағаш таяқшаларды орнатыңыз.

5-қадам: Фигураларды жасау: Қағаздан пингвиндерді басып шығарып, қиып алыңыз. Сілтеме

6-қадам: Мұз дайын болғанда, пингвиндерді ағаш таяқшаларға скотч арқылы жабыстырыңыз.

7-қадам: Мұз айдынында ойнау: Формадан «мұз бөліктерін» шығарып, оларды табаққа немесе тәрелкеге орналастырыңыз. Қажет болса мұз айдынына үлкендеу тәрелке пайдалансаңыз болады. Балаларға пингвиндерді беріп, оларды тәрелке бетімен сырғанатып ойнауды ұсыныңыз.

8-қадам: Бақылау: Балалармен бірге мұздың неге тайғақ екенін және жылу әсерінен неге еритінін талқылаңыз. Балаларға мұзды ұстап көріп, сезімдерін сипаттауды сұраңыз (тәрбиешінің қадағалауымен).

Қорытынды

Мұз айдынын жасау және онымен ойнау барысында балалар ұсақ моториканы, ғылыми ойлауды және қиялды дамытты. Олар мұздың қасиеттерімен танысып, топтық ойыннан жақсы әсер алды. Жоба балаларды қоршаған әлемді одан әрі зерттеуге шабыттандырып, жаңа ашылуларға қызығушылықтарын оятты.