Қызыққа толы қадамдар

Забавные шаги

Жобаның мақсаты:
Қарапайым материалдардан аяқ іздерінің қозғалысын көрсететін механизм жасау. Жоба балалардың ұсақ моторикасын, қозғалыс координациясын, шығармашылық қабілеттерін дамытуға және ойын әрекеттері арқылы инженерлік механизмдерге қызығушылықты арттыруға бағытталған.

Құндылықтар:
Жоба балаларға өз қолдарымен қарапайым материалдармен жұмыс істеуді және қозғалыс физикалық процесін бақылауды үйретеді. Бұл олардың шығармашылық қабілеттерін, қиялын және топта жұмыс істеу дағдыларын дамытуға ықпал етеді.

Қалыптастырушы дағдылар:

• Ұсақ моторика: Шағын элементтермен (картон, түтікшелер, шпажкалар) жұмыс істеу арқылы қол мен көз координациясы мен қимылдың дәлдігі артады.
• Қозғалыс координациясы: Құрастыру процесі мен құрылғыны пайдалану заттарды басқару және әрекеттер ретін түсіну дағдыларын дамытады.
• Креативті ойлау: Қадамдарды безендіру және түстерді таңдау қиялды және шығармашылық көзқарасты дамытады.
• Құрастыру: Балалар механикалық құрылғыларды құрастырудың негізгі принциптерімен танысады.

Тәрбиешіге арналған нұсқаулық:

• Балаларға жобаның мақсатын қарапайым сөздермен түсіндіріңіз: «Біз өздігінен қозғалатын қадамдар жасаймыз!»
• Материалдарды алдын ала дайындаңыз
• Жұмыс аймағының қауіпсіз екеніне көз жеткізіңіз, ал күрделі әрекеттерді (шпажкаларды кесу, түтікшелерді терможеліммен бекіту) тек ересек адам орындауы қажет.
• Балалардың әрекеттерін қолдап, жұмыс барысында олардың идеяларын мадақтаңыз.

STEAM жобаларындағы қауіпсіздік техникасы:

Жұмысқа кіріспес бұрын балаларды қауіпсіздік техникасымен таныстырыңыз. Қажет болған жағдайда (өткір заттар қолданылса) қысқаша нұсқаулық өткізіңіз. Сілтемеге өтіңіз   

Тәжірибелік бөлім

Жобаны жасау бойынша қадамдық нұсқаулық:

1-қадам. Қадамдардың негізін дайындау: Картонға аяқ іздерінің кескінін басып шығарыңыз (сілтеме) немесе суретін сызыңыз. Оларды қиып алыңыз.

2-қадам. Қадамдарды безендіру: Қаласаңыз, қадамдарды түсті етіп жасаңыз. Ол үшін іздер мөлшеріне сәйкес түсті қағазды қиып алыңыз.

3-қадам. Қағаз желімді пайдаланып, түсті қағазды картонға жабыстырыңыз.

4-қадам. Негізін жасау: Пластик немесе қағаз түтікшені теңдей екіге бөліңіз. Түтікшелерді картон цилиндрдің (немесе жабысқақ таспаны пайдалануға болады) ішкі жағына терможелім арқылы жабыстырыңыз. Түтікшелер цилиндрдің қарама-қарсы жақтарына орналастырылып, олардың жартысы сыртқа шығып тұруы қажет. (Бұл қадамды тәрбиеші орындайды.)

5-қадам. Шпажкаларды дайындау: Ағаш шпажканы алып, оны мұқият екіге бөліңіз. (Қажет болған жағдайда тәрбиеші көмектеседі.) Әр шпажканың бөлігін аяқ іздерінің артқы жағына жабыстырыңыз, шпажкалар іздерден шығып тұратындай етіп, оларды түтікшелерге кию мүмкін болсын.

6-қадам. Құрастыру: Қадамдарды түтікшелерге  кигіңіз.

7-қадам. Құрылғының дұрыс құрастырылғанына көз жеткізіңіз.

Дайын! Енді балалар таспаны айналдырып, аяқ іздерінің өздігінен «қозғалғанын» бақылай алады.

Қорытынды

Бұл жоба балаларды шығармашылыққа баулиды, олардың ұсақ моторикасын және қозғалыс координациясын дамытады. Балалар қарапайым механизмдердің қалай жасалатынын және жұмыс істейтінін қызыға бақылайды, өз идеяларын өмірде жүзеге асыруды үйренеді.