Информатика

Зерттеулер бойынша жыл сайын 2 млрд тонна қатты тұрмыстық қалдықтар шығарылатыны белгілі болып отыр. Ал 2050 жылға дейін осы көрсеткіш 70%-ға өсетіні болжануда. Егер қазірден бастап қалдықтарды сұрыптап қайта қолданбайтын болсақ, бірнеше он жылда планетамыз үлкен бір қоқыс үйіндісіне айналмақ. Бұл мәселе сізге де маңызды болса осы жобаға кірісіп көріңіз. Бұл жобада оқушыларға экологиялық білім мен тәрбиенің негіздері беріледі. Ал практикалық бөлім оқушыларды ынталандырып сұрыптауды қызықты ететініне сенімдіміз.

Әр адам өзі армандаған үйін салып, тұрғысы келеді. Бірақ көптеген адамдар үйді жобалау ережелерімен таныс емес. Осыған байланысты құрылыс кезінде қиындықтар туындауы мүмкін немесе бөлмелердің орналасуы ыңғайсыз болуы мүмкін. Бұл жобада біз сәулетшілер рөлінде шығып, үйдің жоспарын жасаймыз. Тек екі өлшемді түрде ғана емес, сонымен қатар үйдің 3D моделін модельдейміз және AR технологияларын қолдана отырып, кеңейтілген шындықта үш өлшемді модельді тамашалайтын боламыз.

Әр едле туризмның дамуына, сол елдің мәдениетін ерекше етіп көрсететін архитектуралық туындылардың болуы үлкен септігін тигізеді. Осындай өзекті әрі маңызды мәселені оқушыларға жеткізу жолында осы жоба кішкене болса да себеп болады деген ойдамыз. Бұл жобада оқушылар, еліміздің қалаларында, болашақта болуы мүмкін, ұлттық нақыштағы элементтерді қолданып, еліміздің архитектурасын ерекшелендіретін ғиматтардың жобасын ойлап тауып сызатын болады.

Бұл жобада оқушылар ақылды үйдің бөлігі болатын ақылды гараж жүйесін құрастыратын болады. Гаражда қашықтан басқарылатын ақылды қақпа және қозғалыс датчигі бар жарықтандыру жүйесі болады. Ол үшін оқушылар Ардуиноны қолданады.

Бұл жобада оқушылар мүмкіндіктері шектеулі жандардың ымдау тілімен, ерекшеліктерімен танысады. Дактилді әліппені қолданып ымдау тілінде сөйлеп үйренеді. Scratch бағдарламасында ойын жасау арқылы дактилді әліппені есте сақтайтын болады.

Жоба туралы ақпарат Бұл жобада оқушылар мидың құрылымы мен қызметін зерттейді, сонымен қатар физикалық және механикалық әрекеттер кезінде болатын жарақаттарды зерттейді. Олар қағаздан ми моделін жасайды және Ардуино негізіндегі сенсорларды жасап жалғайды. Сондай-ақ, соққы механизміне қарсы тұру үшін қорғаныс шлемінің моделін жасалынады.

Егер сіз Уоллес пен Громит немесе LEGO сияқты мультфильмдерді қалай жасайтынын білгіңіз келсе, осы жоба сізге қызық болатынына сенімдіміз. Стоп-анимация жасау қиын болмаса да, бұл көп уақытты қажет етеді. Сіз шыдамдылық пен сабырлылық таныта білсеңіз, бұл тіпті болашақта мансапқа айналуы мүмкін немесе керемет хоббиге айналады.

Жоба туралы ақпарат Бұл жобада оқушылар аяқтың анатомиясын зерттеу арқылы астро шұлық моделін құру және Arduino көмегімен деректерді визуализациялауды жасайтын болады. Ғарышкерлердің аяқтарына әсер етуді жеңілдету үшін шешімдер жасайды.